نصف اخضر نصف يابس

Late Night Stories حكاوى آخر الليل: عام ٢٠١١ في صور#comment-form#comment-form

2012-01-05T17:50:00.000+02:00

Late Night Stories حكاوى آخر الليل: عام ٢٠١١ في صور#comment-form#comment-form
kol sana we enta tayeb ya Ahmed long time , Ya rab sanet 2012 tgeeblna wel Masr kol el khier

عام كامل

2012-01-05T13:15:00.003+02:00

اقتربنا من العام الكامل

عام كامل على ثورتنا عام كامل اصبت فيه بما يشبه الشلل فلم اعد اقوى على الكتابة

اصابنى احساس غريب بأنى تحولت الى تمثال لا تتحرك فيه الا عينيه التى فتحت عن آخرها مدهوشة و مبهوره من شبابنا

من بهية الجميلة التى التى حط عليها غبار الفساد و اللصوصية و الرتابة حتى خلناها تشوهت و هرمت و ذهب شبابها بلا رجعة

لا استطيع ان ادون حتى هوامش اوخواطر عما يدور حولى

وانا المنغمسة حتى اذنى فى المتابعة

سرقة الثورة

متابعة لنشطاء الذين كانو اصدقاء منذ زمن بمتابعتهم على المدونات

حفلة سقوط الاقنعة عن شخصيات احترمناها طويلا و اجللناها و خذلتنا و اسفرت ن وجهها القبيح

فكنت اصبح اجل شخصا و اكبره لاتحول عنه مساءا بعد حوار صادم مع احد البرامج التليفزيونية

فكرهت و صدمت فى اشخاص اكبرتها كثيرا من قبل

و دخل الى عالمى اخرين كنت لا اعرفهم او اعرفهم و كنت اظننى لا اتوافق تماما مع افكارهم

و آخرين اختلف معهم تماما و لكنى لا املك الا ان احترمهم لثقتى فى وطنيتهم الخالصة بلا اهواء او مصالح شخصية

انفعالات و مشاعر لا اظن انى مررت بها فى سنوات العمر كله

كنت امر فى اليوم الواحد بأكثر من حالة

من قمة الحزن الى قمة السعادة

من احباط شديد و يأس مطبق الى شدة التفاؤل و الامل و الاحساس ان الله لن يتركنا ابدا و اننا سوف نستكمل ما بدأناه

لا اعلم على وجه التحديد ما الذى غير هذا الحال اليوم تحدديدا فقررت ان ادون

قد يكون اقتراب يوم 25 يناير؟

لعله الامل الذى يسطع فى قلبى ان ثشتعل الثورة من جديد لنحقق نصرنا الذى سال من اجله دماء الاف و فقد اخرين نور عيونهم

ام انه الخوف من ان يكون نفس ذات اليوم هو مقتلة للثوار و ضربة النهاية للاجهاز على الرمق الاخير فى ثورتنا؟؟؟؟؟؟؟

سفر

2010-11-30T15:20:00.005+02:00

اعشق السفر

احترت فى معرفة سبب ولعى به

على الرغم انه فى الاغلب ما يكون مقترنا بعمل من النوع المزعج و المجهد بدنيا و نفسيا

و غالبا ماتكون

اعصابى محترقة

الا اننى و بمجرد العودة ابدا فى التفكير فى رحلة جديدة

لاعاود الكرة من جديد

لا تهمنى الوجهة

و لا الى اين

كل ما يعنينى ان احلق فقط

احترت فى التفسير الى ان اتشفت قريبا

قريبا جدا انه ما هو الا رغبة عارمة فى الهروب و البعد عن واقعى

الهروب لاماكن جديدة و شخوص جديدة

وجوه لا اعرفها و لا تعرفنى

هروب من كل ما اعيشه و اعرفة الى المجهول

الذى لا اعرفه

علنى اجد فيه السعادة المفقودة من زمن

او اتناسى كل شيئ

واعيش قصة جديدة لحياة اخرى مختلفة و لو لفترة قصيرة من الوقت

العب فيها دورا غير دورى الحقيقى فى الحياه

اشكله كما اريد انا لا كما شاءت لى اقدارى ان اكون

ثم اهبط ثانية الى ارضى وواقعى بما فيه من مرارات كثيرة

و سعادة ايضا قد لا تخلو منها بعض اللحظات

لم اعد انتظر شيئ

2010-06-13T15:14:00.010+03:00

الوحدة تعصف بى و تجتاجنى بشدة هذه الايام

منذ عودتى من رحلتى الاخيرة و انا لا ادرى ما الذى حل بى

احسساس بالعمر الضائع هباء منثورا يتجسد الآن

انظر خلفى لاراه مضى وولى بلا رجعه و لم ينصفنى او يسعدنى سعادة حقيقية يوميا

و انظر امامى فلا ارى الا السراب

لا رؤية واضحة

لا امال لا احلام

كلها طمست معالمها و لم يتبق منها الا صور صفراء باهتة يعلوها غبار الزمن و قد اهترأت بفعل اياديه القاسية الغادرة

هم يجثم على صدرى

لا اعرف متى ينتهى

لم اعد انتظر شيئ

انتهت قدرتى على الحلم

ان تفقد قدرتك على الحلم اعلى درجات الاسى

هو الموت الحقيقى هو الفاصل بيننا و بين من ولوا و رحلوا عنا بأجسادهم

كل ما اراه الان ما هو الا خيلات لما مر بى و مضى

اما القادم فكأنما حيل بينى و بينه فلا شيى الا حائط عال يغشاه السواد

لا بقعة ضوء لا شمس تيدو فى الافق

لاشيئ الا السواد

الدموع تطفر من عينى بلا رحمة

لم اعد اسيطر عليها لايقافها

اريد ان اهرب فلا اجد مكان ليحتوينى الزحام و الاعباء تحاوطنى

رحماك يا الله

أمنيات صغيرة

2010-05-20T11:17:00.003+03:00

لو للسعادة و راحة البال سوق

دلونى عليه

لروح و أدفع نور عيونى فيه

جريمة كتر مايا

2010-05-05T09:11:00.007+03:00

مستفزة الى اقصى درجات الاستفزاز من الجريمة البشعة فى التى حدثت فى احدى قرى جنوب لبنان و اليوم بلغت الذروة عندم قرأت عن اعتذار وزير العدل اللبنانى عن ما صدر من اهالى القرية فى حق القاتل !!!!!!!!!!

عن اى شيئ تعتذر يا رجل؟!!!!!!!!!! ان هذا المجرم المنحط اكثر من الحيوانات لم يدع جرما لم يرتكبه،

قتل اربعة اشخاص بدم بارد و بدون ان يهتز له جفن

قتل عجوزين ضعفاء فى السبعين من عمرهما بلا رحمة و لا شفقة و طفلتين فى عمر الزهور 10 سنولت و13 سنة

ناهيك عن شبهة اغتصاب للطفلة

و لم يكتف بذلك بل مثل بجثثهما فقطع اطراف البنات قطع ايديهما و ارجلهما و جدع انفيهما و اذنيهما و تطايرت اشلاؤهما فى كل مكان بالمنزل حتى ان الام المكلومة لم تكن تصدق عيناها لحظة دخولها لمنزلها و اكتشافها الجريمة و هى تسير بقدميها على اشلاء ابنتيها و والداها

اى بشاعة و اى تدنى و اى اجرام

ليت الصحف التى نشرت صورته معلق على عمود الانارة نشرت ايضا صور القتلى الاربعة

عن اى اعتذار تتحدث يا سيدى لشخص مدمن مخدرات و هارب من عديد من الاحكام قضائية يعنى له سجل اجرامى حافل

ارسلت امه له ليبدأ حياه كريمة فى لبنان فلم ينقض اكثر من شهرين الا و قد ارتكب هذة الفعلة الشنعاء التى يندى لها الجبين

لاول مرة اجدنى احبذ الاختفاء وراء تصريحات وزير الخارجية بوجوب اعتباره حادث فردى

نأتى الآن للجزء للجانب الآخر من القصة

و هو موقف الصحافة المصرية الذى لا اعرف كيف اصفه بصراحة

الرجل اعترف تفصيليا بجريمته و اثبتت التحاليل ذلك و ذهب هناك لتمثيل الجريمة لماذا هذه الهجمة الشرسة

و الادعاء بأنه اكيد بريئ من اين اتى هذا اليقين ببرائته؟!!! و ما هو الاقرب للمنطق لشخص مدمن مخدرات و ذو تاريخ حافل فى عالم الجريمة (من الصحف المصرية ذاتها و نقلا عن اسرته ) دخل السجن عدة مرات و ما تزال عليه احكام قضائية

و النبى بقى نبطل احساسنا دايما بأن الناس كلها بتكرهنا و حاقدة علينا و الفيلم الكبير دا لبنان دائما شعب صديق و قربب منا كمصريين و قد سافرت الى بيروت كثيرا و طالما استمتعت بحسن الترحاب من القلب و انا اعنى الكلمة لانى اعلم ان هناك من يقول انهم معسولو اللسان و بتوع مصلحتهم بس الكلام دا ما ينطبقش علينا احنا كمصريين فلا اموال نفط و لا شيئ وراء المعاملة الطيبة الا مشاعر حب حقيقى و لا ادل من ذلك الا انه معروف ان اللبنانيين دايما بيشجععوا الفريق المصرى فى اى مباراة دولية و فوق كل ذلك لم يعرف ابدا عن لبنان و شعبها الهمجية او الغوغائية بل العكس

اذا كان هناك اعتذار يجب ان نعتذر نحن

نعتذر عن هذه المسوخ و الشخصيات المشوهة التى افرزها المجتمع فى الاونه الاخيرة هذه المسوخ التى حرمتنا نعمة الامان التى طالما تمتعت بها بلدنا الحبيبة

اذا كان هناك ما يحزن فهو صورتنا التى اهتزت من جراء اهذا العمل الهمجى المسيئة لمصرنا الحبيبة

اعمال مصر منها براء برا ء براء

كلمه اخيرة للمتشنجين.... سؤال

بالله عليكم لو حدثت هذة الجريمة عندنا فى صعيد مصرالطيب الاصيل و لكنه ايضا ذودم حار

! هل كان سيختلف رد فعل الاهالى عما قام به الاهالى فى لبنان؟

لا اعتقد و كل منا يعرف ان مثل هذه الجريمة لو ارتكبت هناك كيف كان سيكون رد الفعل

مصرى... لبنانى... مسلم سنى شيعى مسيحى

رد الفعل على مثل هذه الجرائم واحد دائما حاد و مرعب

كل العزاء لوالدة الطفلتين التى أتمنى من الله ان تتخطى محنتها و ان كنت ادرك تماما انه لا مجال اتجاوز مثل هذه المحنة

المبادرة العالمية للتعليم للجميع تحت رعاية منظمة اليونسكو

2010-04-27T16:02:00.010+02:00

المبادرة العالمية للتعليم للجميع 2010

موبيل باص

مشروع رائع اعتقد انه يستحق التوقف عنده يعيبه فقط قلة الامكانيات المادية

الرجاء الضغط على الرابط

www.efa-egypt.org

Text Message

2010-04-18T13:30:00.007+02:00

بالامس فقط اتخذت القرار

اعرف انه تأخر كثيرا

بالامس فقط

قررت ان امحوك و ان امحو ذكراك التى اصبحت باهته لا حياه فيها و لا لون

محوت كل رسائلك التى طالما احتفظت بها

ازورها من حين لآخر لابحث فيها عنك

عن وجهك و كلماتك

ذكرى لم يتبق منها غير رسائل كنت قد حرصت على الاحتفاظ بها على الموبايل

رسائل قصيرة

لكنها تفيض رقة و حنان

تخبرنى بحبك و صدقك

صدق و دفء تكاد تلامسه يداى رغم الاف الاميال بيننا

مداعبات و مزاح طفولى لذيذ

و رسائل اخرى

تشى بانسحابك و تراجعك فجأة و بلا اعذار

آلمتنى الرسائل الحلوة الناعمة لحظة ازالتها

و لكنه كان امر لابد منه بعد ان فرغنا من بعضنا

يعد لهذه الرسائل اى معنى الا اجترار الالم

الموبايل يسأل هل انتى متأكدة من انك تريدين ازالت الرسائل و ارسالها الى سلة المهملات؟

اغمض عينى.......... و اضغط

نعم

فيروز

2010-04-15T10:04:00.005+02:00

مزاج النهاردة فيروزى الهوى

زعلي طول أنا وياك و سنين بقيت

جرب فيهن أنا إنساك ما قدرت نسيت

لو جيت نهار عابيتي لقيت إنك حبيبي بغيابي جيت

بتشوف إن ما مرقوا إلا إيديك على هالبيت

كإنك حبيبي و أنت عينيك هلق فليت

يا ريتك هون حبيبي و ليل

و يكون نبيد و شمع الليل

و أكتبلك عا ورقة حتى ما قول ما بقدر قول

يا ريتك مش رايح يا ريت بتبقى عطول

2010-04-14T10:23:00.001+02:00

الليل طول قوى و العتمة دامت

و الفجر مش باين له طلوع

عينى خلاص أخدت على الضلمة

ما بقتش اعرف افتحها فى النور

اصلا بيتأهلى ان النور لو حصل و دخل

فيبقى اكيد دخل غلط

و هيخرج على طول

بوست قديم

2010-02-17T14:57:00.008+02:00

البوست دا انا اللى بعته لبرايد قبل ما اعمل المدونة بتاعتى و هيه نشرته عندها فى مدونتها التانية بيت العرايس و العرسان و كتبت انها قصتى و بأسلوبى و مع ان البوست دا من 2007 لكن مش عارفة ليه النهارده فكرت انشره عندى فى مدونتى

عارفة انه بعييد كل البعد عن كتاباتى و اسلوبى فى المدونة بس دى برضه انا

يعنى وجه آخر

برايد انا واحدة متابعاكى من زمان اوى من اول ما بداتى , و متابعة تقريبا كل البلوجرز على اختلاف افكارهم و توجهاتهم لكن دى اول مرة احاول اشترك بالكتابة او بالتعليق على اى حاجة و بصراحة اللى خلانى اتحمس و اكتبلك اولا دمك اللى زى السكر لدرجة انى لما بكون قاعدة لوحدى و انا بقرالك بقعد اضحك و بخاف لحد يقول عنى مجنونة و لا حاجة لا سمح الله و اصل الحكاية مش ناقصة يا برايد يا اختى اصل اختك بينها و بينه شعرة( على فكرة و دا برضه بسبب الجواز و سنينه)ايييه ما علينا , المهم بقى انا لسه ما عرفتكوش بنفسى انا اكبر منكوا شوية انا فى التلاتينات( مش بكتيرقوى يعنى)و ليا باع طويل قوى مع مواضيع العرسان, حلوة باع دى مش كده و طبعا زى ما انتو عارفين ان اللى يعيش يا ما يشوف و انا بقى شوفت العجب فيه بس كلمه عاوزه اقولها , انه البخت واحد سواء البنت كان بيجيلها كتير و لا قليل و على راي طنط مامت واحدة صاحبتنا لما قالتلها يا بنتى يتغير الراجل و البخت ما يتغير و دا كان تعليق على ميلة بخت بنتها!!!! المهم طولت عليكو احكيلكوا على العريس بقى

___
فى يوم من ذوات الايام رن التليفون و ردت ماما : ايوه يا فلانة (دى طنط واحدة قريبتنا)ازيك و ازى الاولاد عاملين ايه
نونا (دا الاسم الكودى و اللى بيتغير ساعات حسب الظروف يعنى مثلا : ريتا العفريته او ناضا العضاضه و هكذا حسب الحاله) اه كويسة الحمد لله و اشمعنا يعنى هيه اللى بتسالى عليها؟!!! خير ان شا الله ؟ فترة صمت)
و بعدين ماما قفلت معاها و نديتنى و قالت انها جايبالى عريس و ان العريس دا بيشتغل فى مكان كويس قوى و مستقبله ما شاء الله و انه ساكن فى الزمالك من زمان اوى يعنى مش بس مامته و باباه لا دا حتى من ايام الجدود و ان العماره اللى ساكن فيها دى ميراث من جده لابوه انما بقى شقته اللى هيتجوز فيها فى الزمالك برضه لكن فى عمارة تانيه برضه بتاعتهم( على فكرة التفاصيل دي لها علاقة باللى جاى خلى بالكوا من مواصفاته هوا و عيلته) و ان سنه مناسب ليه و بيدور على عروسه بنت ناس و محترمه و من عيله كويسه زيهم كده علشان يكمل نص دينه و ان طنط قريبتنا دى شافت انى مناسبه له فى كل حاجه فرشحتنى ليه و فعلا تم تحديد موعد المقابلة ,

عاوزة اقول لكو ان انا من كتر ما شوفت ما عدش بحب العرسان يجوا البيت اول مرة بقيت... بفضل اننا نتقابل فى مكان عام و بعدين لو حصل قبول يبقى يجى البيت – اصل مش معقول كل شويه ناس نازلة و ناس طالعة و البواب و مراته ربنا يتمم بخيريا مدام ربنا يكمل لها على خير يا بيه و بعدين ينزل كله على مافيش ,

مهم بقى جينا نحدد مكان بره! و دا الا راسه و الف سيف انه يكون عندنا فى البيت !!! ما علينا يالله , و بعدين وصل العريس و معاه مامته ست كبيره شويتين فى السن اما باباه ماقدرش يجى لانه كبير قوى و صحته تعبانه , و بعد السلامات و التحيات و الذى منه سالت طنط (مامته) بابايا

الا هيه العمارة دى بتعاعتكو ملك؟ و الاالشقة دى ايجار؟

و بمجرد ما بابا رد عليها ادته السؤال اللى بعده

و انتا بتشتغل فين؟ و عندك دخل تانى غيرشغلك؟ عندك شقق تانيه فى القاهره؟ واخد حاجة فى الساحل؟

و ما اقولكوش لما عرفت اننا مش واخدين فى مارينا بصت لنا بصه!!! (ناس بيئة احنا)

و يا ترى العروسة بتشتغل ؟ و بتروحى شغلك بايه؟ عندك عربيه؟

و بعد ما خلصت على بابا قصدى مع بابا اديرت على ماما!!!!

و حضرتك منين؟ عندكو ارض فى البلد؟ كام فدان؟ زارعينها ايه؟

والله العظيم ان دا اللى حصل و اللى ذاكرتى لسا فاكره منه اقل القليل لان الحكايه دى من زمان شويتين يجى 5 او 6 سنين كده بس من غرابتها مش قادره انساها

و هكذا يا حضرات تحولت القعدة كلهابقدرة قادر لاستجواب من قبل والدته لاهلى و اتقلب الحال فبدل ما ابويا هوا اللي يحاول يسال عن احوال العريس عشان يطمن على بنته بقينا احنا اللى مطالبين بكشف حساب عن كل ما نملك و ما فيش مانع من التلميح للى ممكن بابايا يخصنى بيه بعدين, مع انى عاوزة اقول لكوا انه اذا هوا ساكن فى الزمالك فاحنا كمان ساكنين فى مكان مايقلش ابدا عن كدا و كل حاجة فى البيت تدل على وضع ممتاز ابتداء من البيت وانتهاء بالحاجات اللى اتقدمت لهم كواجب للضيافة بالاضافه انه طنط الواسطه مش عبيطه هيا عارفه انه فى تناسب فى المستوى و علشان كده رشحتنى ليه ,

,و نسيت اقول لكم على الهديه اللى جابوها!!!!! اصغر تورتة فى التاريخ و ياريت على كده و بس لاء دى بايتة و مش اقل من يومين عندهم فى التلاجة و من محل مالوش علاقة لا بالزمالك و لا حتى ببولاق( التورته دى يا ولاد اترمت فى الزبالة بعد ما خرجوا فورا) و احنا قولنا ما ندقش فى الموضوع دا اصلا الأم كبيرة قوى و جايز هوا مش عارف فى الحاجات دى) و على راى بابا انتى ممكن بعدين تبقى تلفتى نظره بطريقة رقيقة و مش جارحة,

المهم بقى ان العريس طول الوقت دا ما اشتركش مع مامته فى اى حاجة و كان ساكت على طول و بعد ما نزلم انا و ماما و بابا بقينا نبص لبعض مش قادرين نفهم الست دي ازاى عملت كده و بعد جهد جهيد هدانا تفكيرنا انها ست كبيره و لسه عايشه فى الماضى و مش واخده بالها من كلامها و ان ابنها كان ساكت لانه محرج منها بس هيعمل ايه ما يقدرش يقولها حاجة قدام الناس سيبكم اولاد الناس المتربيين حاجة تانية برضه!!

, تانى يوم اتصل العريس بيه و ابدى اعجابه و رغبته فى انه يتمم الموضوع و بصراحه انا توقعت اى تعليق على كلام والدته من نوعية ماما ست كبيرة او اىحااااجة و لكن ما فيش و اتكررت مكالماتة على نفس الحال لمدة3 ايام و بعدين فوجئنا بطنط الواسطة بتكلم ماما و هيه محرجة و فنص هدومها و بتقول لها ان والدته كلمتها فى التليفون و هيه زعلانه اوى لانهم عاوزين يجيبوا الموضوع على جنب بقى علشان يشوفو يكملوا ولا لا ؟ عاوزين يعرفو التفاصيل الدقيقة عننا

, يعنى لازم نفهم انهم عيله كل البنات اللى بيدخلوها لازم يكونوا عندهم دخل محترم و شهرى ثابت من اهاليهم و عربيه كويسة قوى لانه عيب البنت اللى تدخل عيلتهم تكون بعربيه اى كلام!!! فتصوروا بقى لو مافيش عربيه اصلا!!!

و مافيش مانع ان باباها يكتب لها شقه اواي حاجة باسمها و اللى مزعل الست قوى انها ماقدرتش تعرف كل المعلمات دى مننا و ان ابنها الهمام حاول يستانف الاستجواب لما كان بيكلمنى لكنه ما خرجش منى بفايدة تذكر فلما زهقوا مننا قرروا يكلموا الواسطة بصراحة بقى!!!!!!!!!!!!!!!!!!!!!!!

طبعا نهينا الموضوع معاهم بالعبارة التقليدية انه مافيش نصيب و خلاص و احنا بنضرب كف على كف و مع خلفية الموسيقى التصويرية لاغنية الرائعة وردة (هيا الدنيا جرى فيها ايه على حتى الناس صبحت مش هيه) ايش حال لو ما كانوش ولاد عز قديم و متاصلين فيه كانوا عملوا ايه ؟ المهم بقى انه و بعد مرور حوالى سنه على هذا الحادث الاسيف جت طنط الواسطة و قالت لنا انها العريس كلمها من كام يوم و انه سالها عليا اذا كنت اتخطبت و لا لسه لانه بعد ما رفضناه و ما قلناش ايه السبب دخل كذا بيت بعد كده و الظااااهر يا ولاد والله اعلم انهم عرفوه غلطه فعرف اننا كنا ناس طيبن قوى ( اصل انا كنت اول عروسة المحروس يشوفها) و كان نفسه يرجع يتقدم تانى بس على ميييين .

بره الشبابيك غيوم ...بره الشبابيك مطر

2010-02-04T10:28:00.006+02:00

عندما عجزت عن التواصل معه بالكلمات قررت فى خطوة يائسة ان تمسك بقلمها لتكتب

لتحكى له عما تعانيه و يعتمل بداخلها عله يفهم

لكن القلم ابى ان يكتب

ابى ان يطاوعها

لم يكن قلمها من رفض الكتابة بل قلبها

القلب ادرك و رأى بمشاعره التى لا تخطئ

القلب الذى اوشك ان يتوقف نبضه بعد ان ساد الصمت كل ما حولها و حلت البرودة مكان الدفء و الحميمية

القلب الذى عرف انه عندما ينعدم الكلام فنلجأ للقلم

عندما تنعدم لغة الحوار و لا نجد طريقا للتواصل

فأن هذا اذان بالرحيل الوشيك

طوت الصفحة التى فتحتها و اغلقت الاقلام

تجاهلت الالم الذى يعتصرها

ومضت الى اغنية منير المفضلة تستمع اليه و هو يشدو بما يحتبس فى صدرها

كأنه صوتها النابض بالحياه

بره الشبابيك غيوم بره الشبابيك مطر

اخر مرة اما شوفتك

كتمت الشكوى ليه

مش كان احسن حاسبتك و عرفت القصة ايه

لكن ما حاسبتكيش و قلتلك ما فيش

كأنك يا حبيبتى امرك ما يهمنيش

انا خايف من دا فيا من الشكوى المدارية تحت الغيم و المطر

انا خايف خايف و حاسس بالخطر

صمت الكلمات

2010-01-12T14:58:00.007+02:00

الخامس من اغسطس اخر ما خططته فى مدونتى
لا اعلم ما الذى حل بى كأننى فقدت القدرة نهائيا ان اكتب
على الرغم من تصارع افكار كثيرة بداخلى
الا اننى اعجز عن ان صياغتها و ما ان ابدأ حتى تتملكنى حاله غريبة من الملل فلا اكمل
لا ادرى لماذا ؟

قصة قصيرة

2009-08-18T11:37:00.005+03:00

الساعة االخامسة صباحا

قضت ليلة الامس و هى شبه مستيقظة

تتقلب يمينا و يسارا مستجدية لحظات قليلة لتغفو فيها

فى المطبخ رائحة النسكافيه تعبأ المكان

تختلط رائحة القهوة مع نسمات الفجر الاولى

ما زالت بملابس النوم

ثوبها الرمادى القصير

حافية

و شعرها الكستنائى يتموج حول وجهها فى فوضى تعلن عن التمرد

اختارت الكرسى العالى لتجلس عليه

امام النافذة التى بدأ ضوء النهار يتسلل اليها

وضعت الكوب على الطاولة الرخامية البيضاء امامها و قد التفت يديها الصغيرتين على مج النسكافيه لتحتضنه

مخفضة رأسها كأنها تتلو تعويذة قديمة من زمن الاساطير

كأنما اصبحت خارج نطاق الزمن

رائحة النسكافية لا تزال تملأ المكان تشعرها بالحنين لاماكن و اشخاص هجروها او هجرتهم من سنين

تخبر نفسها ... يا الله انها نفس الصورة
الصورة التى تلح على خيالى و لا تكاد تفارقنى منذ شهور
اراها جيدا كانها جزء من فيلم يمر امامى بكل تفاصيله
احاول ان اهرب منها اتفادها خلال اليوم المشحون
ولكنها تتسلل غاصبة
تتحين اللحظات تطرق خيالى بشدة
فأرى نفسى سائرة مجهدة بعد مشوار طويل
قدماى تنوءان بحملى اوشكت ان اتهاوى
و قد انحنى ظهرى
اما انت.... فلا اراك
اعرف فقط اننى اخيرا بلغت مرفأك
اصل و معى صرة كبيرة بيضاء احملها من سنين
امتلات على مدار الايام بالشجون
امتزجت فيها دموعى التى انسابت مرات..... بالدموع التى تحجرت فى عيونى الاف المرات
اختلطت فيها انكساراتى برحلاتى التى عدت منها دائما مهزومة
و مشاويرى التى بدأتها بالآمال و الاحلام و رجعت منها دائما.... خالية الوفاض
فأهوى عند قدميك مثقلة بحمل لم اعد احتمله لثانية اخرى
أاتى اليك افتح الصرة
افردها امامك
اشعر بالراحة و انا اتخلص من حمولى وهمومى
غير معنية بالمبررات التى ادت اليه اولا بكلمات التطييب التى تقال
كل ما يعنينى انك هنا
ارنو اليك
لتربت على وتخبرنى انها اخر عذاباتى

و لكنك لا تفعل

و تتركنى لاعود حاملة صرتى القديمة و قد ازداد حملها و ثقلها على كاهلى.......

صوت المنبه يخبر بأن الساعة تجاوزت السلبعة و انه قدتوجب على الرحيل

تحديث

2009-08-12T15:13:00.002+03:00

اتضح انها شطحة من شطحات الخيال

و ها قد عاد الظلام و خيم الصمت مرة اخرى

الحمد لله على كل شيئ

انا فى انتظار الفرج يا رب

2009-08-03T14:31:00.004+03:00

يارب

يا رب هل حانت لحظة الفرج

يارب ادعوك و ارجوك منذ سنوات بالعوض

فهل حانت اللحظة فعلا

هل اقتربت النور و الصباح من البزوغ

سنوات طويلة عشتها فى ظلام

سواد دامس

حتى شعرت ان حياتى مسرحية اسدل فيها الستار قبل ان يبدأ فصلها الاول

سنوات طوال ترنحت فيها بين التعلق بالامل والانهيار لاقصى درجات اليأس

نعم اعترف اننى قد مررت بلحظات فقدت ايمانى و انهرت انهيارتام

كرهت اقدارى و عجزت عن فهم مايحدث

ثم ما البث ان استغفرك و ادعوك

ابتهل لتغفر لى ضعفى

وانا اعلم انك اقرب الى منى من روحى و من انفاسى

اوقن انك ستعفو عن عبدك الضعيف

لانك ياالله احن و ارحم بنا من انفسنا

اوقن انك ستعفو.......

عن قصورعقلنا البشرى فى معرفة الحكمة من المحن و الازمات المزمنة التى لا تنفرج سريعا

سنون طوال و الماء راكد تماما فى بحيرتى حتى تخيلت انه قد تجمد

الا اننى الان اشعر بضوء يتسلل الى روحى

لا اراه

احسه فقط

فهل ان الاوان الان ليسقط الحجر فى البحيرة

فيهزها برقه ليوقظها من سبات عميق

هل ان اوان للعيون الرانية للفرح ان تسعد وان يهدأ لها بال اخير

ام ان ما احسه ليس الا شطحه من شطحات الخيال

و ما اكثرها

2009-05-27T14:48:00.002+03:00

نظرة عين حنونة تفيض محبة

و حضن دافئ

قد يكونان كل ما تحتاج اليه فى احلك لحظات حياتك ظلمة

مفاجأة هيفاء وهبى و منى الشاذلى

2009-05-25T14:33:00.006+03:00

فى حلقة يوم السبت من العاشرة مساءا اختتمت المذيعة اللامعة منى الشاذلى بخبر اعتبرته انا عن نفسى غريبا وهو اعلانها عن استضافة الفنانة هيفاء و هبى فى حلقة يوم الاحد و لانى وجدت من وجهة نظرى ان هذه الاستضافه غريبة لان الشخص المستضاف بعيد كل البعد ليس فقط عن طبيعة البرنامج الجاد والهادفة بل ايضا مع شخصية منى الشاذلى التى و ان كانت رقيقة الا نها جادة و حاسمة فى آن واحد فقد توقعت ان يسفر هذا اللقاء عن مفاجأة و لذلك حرصت على مشاهدتة مع انى لست من المغرمين بهيفاء و لا بما يدور حولها من قصص و اساطيرو لم استمع اليها من قبل

فى برامج تلفزيونية او حتى اهتممت بقراءة احد الاحاديث الصحفية الخاصة بها اطلاقا

وكما توقعت فقد صدق حدسى و كانت الفنانة هيفاء وهبى مفاجأة بالنسبة لى فقد اكتشفت انها خريجة جامعية و تتقن لغتين هما الانجليزية و الفرنسية و تحرص على ان تتعلم تأخذ كورسات فى مجالات مختلفة بل الاكثر من ذلك ما ذكرته منى الشاذلى من انها كانت طالبة ذكية ومتفوقة فى المدرسة

كانت هيفاء طول الوقت مبتسمة و عقلانية فى حوارها و مجاملة وودودة الى اقصى حد بل الاكثر من ذلك انها لم تتردد فى ان تعترف ان كليباتها جريئة و انها غير راضية عن بعض هذه الكليبات فكانت بحق مفاجأة بالنسبة لى على الاقل

اما المفاجئة الاخرى و التى لم اجد لها تفسيرا حتى الآن فهى هذة الحالة من العدائية و الهجوم بل و التهكم المنتقد احيانا كثيرة من قبل منى الشاذلى و هى تدير الحوارفشعرت ان المهنية قد جانبتها تماما

حتى انها لم تتقبل منها كلمة مجاملة رقيقة عندما امتدحتها قائلة انه ليست كل الجميلات ذوى عقول فارغة فحضرتك مثلا جميلة ومع ذلك مثقفة و ذكية و ناجحة جدا

فما كان من منى الشاذلى الا ان ردت بتعالى بانها لا ترى نفسها جميلة لانها لم تتعود ان تشغل بالها بمسألة الشكل دى اساسا !!!

حتى فى نهاية اللقاء ضنت عليها بكلمة مجاملة او حتى بتقرير واقع اكتشاف ان هذه السيدة لها عقل اذكى كثيرا مما تبدو

مش بقولكم الحلقة بالنسبة لى كانت مفاجأة

السلم

2009-04-28T15:48:00.009+03:00

يصعد درجات السلم...

الواحده تلو الاخرى

لا يلتفت يمينا او شمالا

لايرى من حوله

تترائى له الوجوه كخيالات او اشباح فلا يتبين ملامحها

.............كلهم

كلهم ادوات ليواصل صعودة

يستمر فى الصعود

كلما ارتقى درجة من درجات سلمه شعر بالرضا عن ذاته و اكبرها

يصعد و يصعد

يفعل ذلك بمنتهى البراعة....... و منتهى الدقة

و بحرص شديد على مظهره

كلما صعد..... كلما تلاشت الرؤيا

الان.....

لا يمكنه رؤيه البشر تماما

لم يتوقف لحظة ليتسائل عن سبب اختفاء الناس

.....فهو لا يزال فى رحلته للصعود

استقيلوا و ارحمونا يرحمكم الله

2009-04-22T15:26:00.003+02:00

بالامس قادنى حظى العاثر ان اتوقف امام قناه من قنوات التليفزيون المصرى

لاشاهد احدى مهازله التى لا تنتهى و اللى مش عارفينلها نهايه

مسابقه من نوع اتصل و حل الفزورة علشان تكسب مش عارف ايه

و على الرغم من التحذيرات السابقة عن مثل هذه النوعية من المسابقات وعن النصب و خلافه الا انها ما تزال مستمره بدليل كرومبو و سرحان و نفيسة و اللى زاد وغطى هذا الكرتون المبتذل لمسابقة عن احدى الفتيات و التى تحاول الخاطبة ان تزوجها و اسم المسابقة بايرة ؟!!!!!

بالله عليكم ماهذا الانحطاط و الاسفاف

الى اين يأخذنا تلفزيون بلدنا المحترم؟

ما هذا الابتذال؟

هل هذا شيى مثير للضحك؟

فى ظل وجود ازمة زواج حقيقية فى البلد لظرف اقتصادية و اخلاقية ووجود ملايين من الفتيات و الشباب بلا زواج انها مشكلة قومية و ليست هزل لنطلق عليها النكات بهذا الشكل المهين.... و بهذا الاسفاف

الى اين سنصل ؟

هل هذا هو التطوير ؟!!!!

اننى لا اشاهد التليفزيون المصرى تقريبا الا لماما من سوء ما وصل اليه الحال

فى الوقت الذىاتابع فيه الفضائيات العربية الاخرى لا اجد ان احدا انحدر الى هذا المستوى سوانا

لبنان بلد الدلع والحرية عالاااخر الدلع فيها راقى محبب

و لم اسمع اغنية لبنانية بتقول بحبك يا حمار...و لا خلى عندك دم او لما تقفى على ايديك تتنططى !!!! و كانها وصلة ردح اسف (لاستخدامى هذا التعبير و لكنى لا اجد غيره وصف لما يقال فهذه ليست اغانى)

لم اشاهد نظير لهذه المسابقات الا على قنواتنا الصرية

ماذا اصابنا الم نعد قادرين على صناعة اعلام حقيقى و ناجح باحترام؟

اين ريادتنا الاعلامية التى طالما تغنينا به؟

على احدى الفضائيات العربية تعرض الان رائعة اسامة انور عكاشة رحلة السيد ابو العلا البشرى الجزء الاول

المسلسل مر علية الان اكثر من عشرون عام و فى كل مرة يعرض فيها لا اقوى على عدم متابعتة بل و الانبهار به كانه يعرض للمرة الاولى مع مايحتويه المسلسل من اعلاء لقيم راقية و مثل و مبادئ لم نعد نسمع عنها الان فى الدراما الحالية

طبعا المقارنة كانت ظالمة

قفزة هائلة و لكن للاسف للوراء

منذ اكثر من عشرون عام و بدون مدينه للانتاج الاعلامى صرف عليها الملايين و بنيت فيها قصور لا تعبر عن حال الشعب و لا مشاكله

بدون كل هذا و بديكورات فقيرة للغاية صنعنا روائع تمر السنوات فتزداد قيمتها لانها كالمعدن النفيس كلما مر عليه الزمن ازداد نقاء و اصاله و امثال ابو العلا كثير

ايها المسؤولون عن الاعلام و التلفزيون ان لم تكونوا قادرين على الصناعة الجادة

المحترمة استقيلوا يرحمكم الله

استقيلوا

استريحوا و اريحوا اسماعنا و ابصارنا من هذه البذاءات التى لا تليق ببلدنا و عراقتها

يا رب

2009-04-21T14:49:00.003+02:00

يا رب

مش عارفة ليه النهارده حساك قريب منى قوى

حاسة بكدا

حتى فى دقة قلبى و نفسى اللى طالع

يا رب يا من بيدك الامر كله

اعف عنى و اكتب لى مافيه الخير

تعبت قوى

الحياه عموما زى الماء الراكد الساكن

لكن فيه اوقات يعن الام و يخفق القلب لها بشدة

يا ربى ارجوك كن معى و اعنى

لوحدى مع ان حواليا ناس

الوحدة هتموتنى

عزيزتى آسر: فليذهب الاب و ابنه الى الجحيم

2009-02-16T09:07:00.006+02:00

عزيزتى آسر

اياك و التراجع او الاستسلام

اياك من الخنوع و تجرع مذاق الانكسار و القهر بلا ذنب جنيتيه بل انت الضحية فيه

ماذا ستقولين غدا لبناتك ان تراجعت؟ كيف ستتطلعين الى عيونهم لتغرسى فيهم معنى التحدى و التصميم و انت مكسورة ؟

فى الوقت الذى تترجعين فيه مرارة القهر

كيف ستعلمين معنى الاباء و الكرامة و احترام الذات

لا يا سيدتى

الامر لم يعد يخصك وحدك

الامر له ابعاد اعمق من هذا كثيرا

عندما اذهب مع ابنتى الى النادى يفزعنى بشدة ما ارى من تدنى الالفاظ المستخدمة بين الشباب دون الرابعة عشر اتسائل اين اهالى هولاء؟ هل تناهى الى مسامع الام و الاب الفاظ ابنه؟

افزع و بشدة على ابنتى الصغيرة و ادعولها الله فى قلبى بالسلامة و انا اتسائل عما سيكون عليه الحال بعد عشر سنوات من الان

اكثر ما ارعبنى فى قصتك و بصراحة وهو ما دفعنى لكتابة هذا البوست هو موقف اهل الشاب و الذى كان سيختلف موقفى تماما و ما كنت لانصحك بالمضى قدما فى الدعوى المرفوعة لو ان والد الشاب اعتذر لك عن تصرف ابنه المخجل و الدنيئ

اما و انه قد اصر على عدم الاقرار بخطأ ابنه و ماضى فى هنجهيته حتى ان وسائل الضغط التى تتعرضين وعلى حسب ما فهمت من مدونتك ليست من باب الاسترحام او الاستعطاف بل انها من نفس منطلق العنجهية الزائفة فلا املك الا ان اقول

فليذهب الاب و ابنه معا الى الجحيم .....

نعم فهذا اقل مما يستحقون و لو ان الامر بيدى و كنت انا من اشرع للقوانين لجرمت الاب ايضا و حملته مع ابنه جزء من العقاب

ماذا تتوقعين يا سيدتى من شاب هذا هو ابوه

امثال هاؤلاء حرمونا نعمة الامان و الاستقرار التى كانت مصر دوما تتمتع بها و كنا نتغنى دائما بها

القاهرة المدينة التى لا تنام والتى نتباهى امام وافديها الاجانب و حتى العرب بامنها وسلامها حتى و ان كنت تسيرين فى الثالثة صباحا

اما الان فاولله انا اصبحت امشى فى الشارع مرعوبة حتى فى وضح النهار ما ان تطأ قدماى السيارة حتى اسارع باغلاق الابواب جيدا و انا اتوقع المباغتة فى اى لحظة

اخلاق المصريين فى خطر

مصر لم تعد كما كانت فليطف بنا الله

ااسف على حدة لهجتى لكن اللامر زاد و فاض و لابد له من وقفة جادة

فليعمل كل من على قدر استطاعتة لرد هذا الوباء الذى استشرى فى جسد بلدنا و يهددنا و بهدد ابنائنا

نتضامن معك كمدونين

كلنا ضد الغوغائية و الهمجية و انحطاط الاخلاق

صداقة قديمة و حنين

2009-02-08T09:44:00.006+02:00

ايام الدنيا احلى

من احلام الامانى

فيها الشارع و بيتنا

و الحب الاولانى

اغنية قدبمة لحنان ماضى انسابت بنعومة

اعادتها سنوات للوراء

اعادت لها ذكريات قديمة جميلة

اثارت فيها حنبن لتلك الايام و حنين اشد لها

حنين جارف لم تشعر به منذ سنوات طويلة

..........................................................

منذ فترة ليست بالبعيدة

ادركت ان السماء التى تظلهما لم تعد نفس السماء و ان الهواء الذى تتنفسانه لم يعد واحد

كل واحدة منهما اصبح لها عالمها الخاص بها وحدها

عالم اخر لم يعد يضم او يحيوى اى تفصيلة و لو صغيرة من عالم الاخرى

المفردات اصبحت غريبة

و الكلام بينهما يسودة الصمت و لم يعد هناك مكان للتواصل

الا انها و بالرغم من كل البعد و الشرخ القائم لا تزال تحتفظ لها فى حنايا القلب بمكان

ايقنت فى لحظة انه لولا صلة الدم التى تربطعهما لانقطعت كل علاقة بينهما بلا ادنى شك

ياااه ...........

كيف وصلنا الى هنا بعد ان كنا لا نكاد نفترق ابدا

ما الذى جرى من منا التى تغيرت اترانى انا ام هى

ام انها الدنيا التى تفرق

الاغنية اعادت لها حنين جارف و رغبة فى استعادة دفء كان

امتدت يدها لا شعوريا للتليفون للتصل بها

حتى الرقم لم تعد تتذكر منه شيئا اضطرت ان تعود الى مفكرتها القديمة لتحصل عليه

هاهو

و ........

الو -

ايوه ؟!!!!-

بصوت يشوبه الخوف من سماع خبر غير مرغوب لانها منذ سنوات لم تتلقى منها اتصالا فى هذا الوقت لانها فى العمل

ما تخافيش ما فيش حاجة و حشة انا بس حسيت انك حشتينى فلقيت نفسى بكلمك -

على الجانب الاخر.. دموع حارة و صوت خنقته الدموع

ياااااه... اخيرا و انتى كمان واحشانى قوى والله

و تواعدا على لقاء...............

عندما اصبحت القضية كوفية تباع فى المفارق

2009-01-15T08:57:00.004+02:00

الاشلاء فى كل مكان

دماء الاطفال الابرياء تلطخ البيوت و الجدران

شاهد على جرمهم

صراخ الطقل الفزع على امه يملا اذنى

وعيناه البريئتان المتسائلة فى خوف عما يجرى

فلا يجد اجابة ...........

عيناه لا تفارق مخيلتى

ظلام دامس يشقه اصوات القصف

الطلقات وحدها هى التى تضيئ سمائهم بلهب و حمم

كل هذا بين قلوب متحجره

و بشر ان جاز ان يطلق عليهم ذلك لا تعرف ابجديتهم الا الدم لغة لها

و العالم فى صمت رهيب

كأنهم يشاهدون مسرحية عبثية فى مسرح العدم

اتسائل عن كل هذا الغل و الكره الاسود الممتلئة به قلوبهم؟

كيف يستطيع انسان على وجه الارض ان يمد يدة بسوء لطفل؟

جنودهم يدخلون البيوت يقتحمونها على من فيها من نساء و عجائز ليقتلوهم بلا هوادة

و يضربون الاطفال عالى اطرافهم حتى يفقدوها؟ يا الهى ما هذا الشر ما هذة البشاعة

ما هذا الجنون

لا و الله ما هؤلاء ببشر

و نحن هنا لا نملك لهم الا قلوبنا المعتصرة عليهم الما و اسى

لا نملك الا الدعاء لهم بفك الكرب

و الان كل ماتبقى من القضية

الكوفية الفلسطينية تباع على مفارق الطرقات

اخواننا فى غزة ....

اثبتوا و ثابروا و رابطوا

قلوبونا معكم و هذا اضعف الايمان

اقبل الارض من تحت اقدامكم و اقول افديكم

تراب الارض الملطخ بدم شهدائكم اطهر و احب الى الله من الدنيا و ما عليها

سامحونا

مشاعر مستباحه

2008-12-14T13:38:00.010+02:00

يا الله

كم تمنيت ان اتخلص من هذا العيب القاتل فىِ

اعترف اننى لا استطيع ان اخفى مشاعرى و احاسيسى مهما حاولت

كل مابى

... تشى به عيونى و تفضحه قسمات وجهى

ليقرأه الجميع بلا استثناء

كتاب مفتوح

مع الاسف يستوى كل من اعرفهم فى ذلك

سواء كانوا مهرة بفك طلاسم النفس البشرية وتعقيداتها

اوكانوا من الذين لايؤمنون الا بالماديات كحقائق و ثوابت

كلهم يحسنون قرائتى

بالامس سالتنى احدى الزميلات من غير المقربات مالك؟ شكلك زعلانة اوىو في حاجة

مضايقاكى و شكلها كدا مش من الشغل ؟

شعرت بالاخفاق مرة اخرى

مع انى حدثتنى كثيرا بان اخفى الالم والوجع فى عملى على الاقل

اشعر دائما بانى مخترقة حتى النخاع

تمر الايام و يتقدم بنا العمر

و تزداد تجاربنا فى الحياة

نكتسب صفات و عادات جديدة

وقد نتخلص من بعض عيوبنا القديمة

الا هذا العيب اللعين!!!

لم تفلح الايام و التجارب التى عصفت بى ان تغيره او تزحزحه الى الامام ولو لخطوة واحدة

من يصدق اننى ما زلت احمر خجلا عندما توجه لى كلمات الاطراءاو الغزل

وقد تزدادالكارثة اذا ما تقينت ان قائلها يعنيها فعلا و انها ليست من باب المجاملة فقط

من يصدق انى ما زلت بعد كل الازمات المتلاحقة التى المت بى و اسكنت الحزن ركنا فى قلبى ابى الا يبرحه ابدا

ما زلت

لا احسن اخفاء حزنى او الهم الذى يسكننى مهما حاولت

هذا الشيئ القاتل لمن لا يعلم يفتح الباب لاسئلة المتطفلين و عيون المتلصصين

اعرف جيدا ان احباء روحى فقط هم من يملكون مفاتيح اسباب و دقائق الحزن والفرح

الا انى اشعر دائما ان مشاعرى مستباحه للجميع

2008-12-14T12:41:00.006+02:00

الليل طول قوى و العتمة دامت

و الفجر مش باين له طلوع

عينى خلاص أخدت على الضلمة

ما بقتش اعرف افتحها فى النور

اصلا بيتأهلى ان النور لو حصل و دخل

فيبقى اكيد دخل غلط

و هيخرج على طول

هذا يكفى

2008-11-23T09:58:00.004+02:00

لا

لم اعد احتمل المزيد من هذة الصداقة المزعومة لقد اصبحت حملا ثقيلا على قلبى قد ناء بحملها

اريد الفرارمنك و منى

الفرار.........

حيث لا مزيد من التلاعب بالالفاظ لتوصيف ما بيننا

فما زلت استعيد كلماتك يوم ان اغضبتنى لاول مرة

لازلت لا اتصور ان احساس الانثى بداخلى قد خاننى

نعم هذا يكفى

اريد ان استريح

منذ سنوات طويييلة و قد نسيت طعم الراحة لم اعد اذكره

لم يعد وجدانى يعييه

ابذل مجهود هائلا لتذكر كيف كان طعم الراحة هذا

و الان قررت ان

هذا يكفى

لم اعد احتمل المزيد

سامحنى

فانا

أحبك

ليلة عشق

2008-11-03T12:23:00.004+02:00

فى ليلة عشق واخدانى

على شط الهواالتانى

قابلت البحر فى عيونك

شربت عطشت من تانى

هيا دي بدايتك معايا

شوف بقى قلبى و جنونه

فى شرع العشق عالعشاق وعالمجارح

فى بحر عينيك فردت قلوعى ويا الريح

سهر ليلتها البدر يتوانس معايا

و حط صورته جنب صورتى فى المرايا

و صدقونى ضحكت له

و ضحك وقالى و قلت له

و حكينا اسرار الهوا

و ازاى ندهلى و رحت له

و ازاى قاسيت

و ازاى تعبت

........................ماتحسبونيش

ما دام عشقت

أحمد فؤاد نجم

منيب كمان و كمان

2008-10-29T11:30:00.004+02:00

الوعد و المكتوب

نلقى سكك و دروب

و لا ينتهى المشوار

الوعد و المكتوب

تقسى علينا قلوب

لا نخاف و لا نحتار

الوعد و المكتوب

و كل شيى محسوب حتى فى احلامنا

الوعد و المكتوب لو كنت يوم مغلوب

....الليل فى اخره نهار

اعترافات ما بعد المحنة

2008-10-28T12:36:00.006+02:00

اعترف بأنى كنت اكثر نقاءا و صفاءا وقت المحنة المدمرة التى عصفت بى منذ بضعة

سنوات عندما خلت ان ستارة مسرح سوداء تسدل فصلها الاخير على حياتى كلها و بلا رجعة

اعترف ...يا الله بانى كنت منك اقرب مما انا عليه الان

فبالرغم من الالم الذى كان يعتصرنى عصرا الا انى لم اكن يوما اقرب منك مما كنت عليه وقتها

اعترف بانى و لاول مرة اجد حلاوة للصلا ة

بل و راحة فى الهروب اليها من ما الم بى فى ذلك الحين

اعترف امامك....

و انت ادرى منى بنفسى....

يا من تعلم السر و اخفى

... بأنى.... و بالرغم من كونى اصلى منذ الصغر الا ان الصلاة لم تكن عبادتى ا لمحببة و انى لم اشعر بها ابدا الا فى ذلك الوقت

حيت الابتلاء الشديد و الالم

اعترف بانى فى قلب المحنة تذوقت و لاول مرة حلاوة قيام الليل و لم اكن قد تقربت به اليك ابدا من قبل

و الان.....

و بعد مرور اعوام على انتهاء محنتىو التى ما تزال تلقى بطيفها على بعض من روحى

يراودنى الحنين لهذة الايام التى كنت فيها شديدة الشفافية و القرب منك يا ربى

2008-10-21T14:46:00.003+02:00

للسعادة رائحة

و اشارات...... لا يخطئها القلب

و التعاسة ايضا كذلك

نصف يابس

2008-10-20T09:47:00.004+02:00

زهقانة قوى زهقااانة

زهقانة من كل حاجة و كل شيئ

زهقانة من الشغل و مش طايقاه اليومين دول مش عارفة ليه مع ان مافيش حاجة حصلت لكل دا

زهقانة من البيت و النادى..... من الاصحاب

حاسة كل حاجة بتحصلى كانى شوفتها و عيشتها قبل كدا

ما فيش اى حاجة جديدة

حاسة بوحشة غريبة و انا بين البشر

نفسى اسافر فى مكان لوحدى.......

مكان جديد ما روحتوش قبل كدا و ما اعرفش فيه حد و لا حد يعرفنى

وعايزة اهرب من الناس و الدنيا كلها

حتى انت كمان عاوزة اهرب منك

اليومين دول النصف اليابس اللى جوايا هوا اللى ظاهر على السطح

رمضان

2008-09-29T09:08:00.003+02:00

شهر رمضان ترفق

دموع المحبين تدفق

قلوبهم من الم الفراق تشقق

عسى وقفة للوداع تطفئ.... من نار الشوق ما احرق

دائما تبكينى هذة الابيات عندما استمع اليها من الشيخ النقشبندى صاحب الصوت الرخيم الشجى فى خشوع

حقا و صدقا لا اوحش الله منك يا شهر الصيام

دائما تاخذنى حالة من الشجن فى العشر الاخيرة من رمضان

ما بين الخوف وبين الرجاء

الخوف من الا يتقبلنى الله و قد اتيت مثقلة بذنوبى.... و الرجاء فى عفوه و غفرانه

اشعر بالايام الاخيرة و كانها الماء يتسرب من بين اصابعى و ليس لى حيلة فى ايقافها

يا رب اعد علينا رمضان سنوات عديدة و سنين مديدة و اجعله شاهدا لنا لا علينا يا اكرم الاكرمين

قرار

2008-07-29T13:54:00.003+03:00

قررت انى مش هشوفك و لا اتصل بيك او حتى ارد على مكالماتك لمدة اسبوع
عشان انت واحشنى قوى
و انا لازم اعلم نفسى..... ازاى ما توحشهاش

ملحوظة صغيرة: دى مش انا خالص

يوسف شاهين و العبارة

2008-07-29T09:25:00.003+03:00

مات جو ............. مات يوسف شاهين فى نفس اليوم اللى شهدت فيه مصر الحكم الاسود ببراءة مالك عبارة الموت
مات الصوت الناطق بالحق و العدل و الحرية و ارتفع صوت الفساد و الظلم و قهر الغلابة
يا ترى دى صدفة و لا دا وصف دقيق للحالة اللى بقت بلدنا فيها
غياب الحق و علو الزيف و الظلم و استعباد الناس اللى ما لهاش ضهر
بس ربنا هوا الضهر و السند
سوال مجننى بجد للاخ ممدوح اسماعيل ...... انت بتنام ازاى بالليل ؟
بتحط راسك ازاى على المخدة و دم الناس دى كلها فى رقبتك؟ مش بس الدم فكرت مرة تسأل نفسك اللى ماتول دول سابو مين وراهم ؟
ام مكلومة فى ابنها اللى ممكن يكون وحيدها و اللى كان بيجرى عليها تقدر تواجه حرقت قلبها على ابنها باى ضمير
فكرت فى اللى اتيتمو و اللى اتخرب بيتهم من بعد اللى كان لهم وراح فى عبارتك؟
هوا انت مؤمن بربنا ويوم القيامة و انه فية حساب ؟
هتقول ايه لرب العالمين لما يسألك عن الناس دى ولا تكون فاكر انك تقدرتجيب محامى الشيطان بتاعك معاك هناك كمان
هناك يا سيدى لا ينفع مال و لا بنون الا من اتى الله بقلب سليم"
طيب و ان سلمنا ان الحكم من الناحية القانونية سليم و من الناحية الانسانية ؟ ايه ..... ما فيش اى مسوؤلية خاااالص كدا و لا كأن لك دخل بأى شيئ؟
اقول ايه حسبى الله و نعم الوكيل
حسبى الله و نعم الوكيل
لك الله يا مصر

2008-07-24T12:59:00.001+03:00

تانى تانى
.......................... مافيش فايدة

قلبى عليكى يا بلدى انفطر

2008-07-01T10:42:00.003+03:00

الهم محاوطكى
و حزنك تاعبكى
وليه مش قادرة تبكى
الاعيان خانوكى
سارقين طين ابوكى
لعدوك باعوكى و لايد الزمن
عروكى فى ميدانهم
ولا واحد أدانهم
و علو أدانهم و بقالهم جرس
جلادك محامى
و حاميكى حرامى
و باية ينفع كلامى
يا ساكنة الخرس

عبد الرحمن الابنودى

البللورة

2008-06-24T11:55:00.005+03:00

اشعر احيانا اننى خارج الحدود....
ارى الناس و البشر حولى منشغلون يراودنى ذلك الشعور باننى انظر اليهم من مكان عال بعيد حيث لا يشعر بى احد
اما انا فاراهم بوضوح و اسمعهم.... كلهم مهموم باحواله الدنيا تتغير و تغيرهم معها كلهم منشغل بشوؤنه و الدنيا تجعلهم فى حراك دائم
الا انا وحدى
اشعر اننى اتطلع اليهم من دائرة زجاجية كالبللورة وهم داخلها
الدنيا تمنحهم او تسلبهم
اما انا من خلال نافذتى الزجاجية فليس لى الا ان ارنو اليهم فقط و كانه من غير المسموح ان اعبر الحدود و ان يسرى على ما يسرى عليهم
لماذا انا دائما فى مقعد المتفرج
لما انا دائما خارج الحدود؟؟؟

2008-06-18T13:26:00.003+03:00

كل مرة نفس اللطمة.....نفس الضربة الموجعة....
لا اتعلم ابدا مما حدث....فى كل مرة انسج عالم من الخيالات الوردية و لاعيش وحدى مع الاحلام
فى كل مرة اتناسى متعمدة الارهاصات السابقة التى تؤكد احساسى ....
بأنها....
هى....كل ما له
أما انا فدائما على الهامش او على افضل تقدير

I am always his second choice

2008-06-17T15:20:00.004+03:00

قد تتفق معه بعض افكاره او تختلف معه فى اغلبها... قد تكون من امثالى ممن يتاذون بشدة لاستخدامه بعض الالفاظ غير اللائقة اثناء الحديث, قد تدخل الفيلم مرة تلو الاخرى بدون ان تفهم او ان تلم بجميع جوانبه او ان تتوصل لرؤيتة الشخصية و لكنك لا تستطيع ان تنكر انه حاله خاصة بل شديدة الخصوصية .......
انه يوسف شاهين مخرج مصر العبقرى المتميز عن كل من سبقوه من المخرجين ... يوسف شاهين الثائر الهادر الذى لا يهدأ و لا يتوقف عن العمل الذى يعتقد انه رسالته و انه لم يولد الا له
يوسف شاهين المخرج ذو المدرسة المتفرد الخاصة به وحده
جو المخرج غير التقليدى المثار حوله دائما زوابع و لغط صاحب اكثر من ثلاث او اربع افلام لا اذكر على وجه التحديد من اهم مائة فيلم للسينما المصرية
انه جو الممتع ليس فقط فى افلامه بل فى احاديثه اعترف باننى لا استطيع ان احول عنه التلفزيون اذا ماصادفته يتحدث رغم( القباحة و اللفظ له) اللى فى كلامه
يوسف شاهين اصيب بالامس بنزيف فى المخ و اقر الاطباء بان الحالة متدهورة جدا .... طبعا لم يرسل للعلاج على نفقة الدولة كما حدث لسعيط و معيط ونطاط الحيط ... الرجل كان بيقول كلمة الحق من وجهة نظرة على الاقل و عمرة ما نافق ولا انحنى
ادعوله بالشفاء فهو اتفقنا معه او اختلفنا رمز من رموز مصر القليلة الباقية

2008-06-03T14:58:00.003+03:00

يا طالع الشجرة.....
هات لى معاك بكرة...
ويكون على قدى و تكون عينيه سمرا
العدل فى يمينه
و الشمس فى جبينه
يمشى على مهلى و ان تهت يندهلى
يا بكرة فين انت ؟
هتفوت هنا امتى؟
هتجيب معاك حلمى ولا تزيد ظلمى
صليت جميع فرضى ...
زكيت و مش مرضى
خايف لموت قبلك ما تلمنيش ارضى
يا طالع الشجرة
لو جه معاك بكرة
خليه يكون ضحكة تكسى بها الفقرا

من اشعار سيد حجاب

اول الغيث قطرة

2008-04-08T12:37:00.004+02:00

لابد عن يوم معلوم..... تترد فيه المظالم......

ابيض على كل مظلوم......

اسود على كل ظالم......

عود ثقاب

2008-03-24T14:49:00.004+02:00

طالما تراءت لها حياتها القصيرة معه على انها عود ثقاب ما لبث ان اشتعل.... حتى احترق و انطفأ, لتغرق بعدها فى الظلام التام....................

مناجاة

2008-03-10T10:28:00.006+02:00

يا رب أتيتك و قد هدنى طول الطريق و ثقلت خطاى أثقلت ذنوبى كاهلى و لم اعد احتمل المزيد, لم تعد قدماى تقويان على متابعة المسير... ذنوبنا كلاغلال تشدنا الى الارض الى الطين الذى خلقنا منه واليه نعود, يا رب.. مع اشراقة كل يوم أدعوك و أرجوك, أقصد بابك متمسحة باعتابك.. اسألك سؤال المساكين و أتذلل تذلل المحتاجين : أعف عنى يا رب أعف عنى يا الله , أعلم انى مخطأة أعلم ذنوبى جيدا و لكنى بشر ضعيف.. أتوب كل يوم و أرجو الا أعود و ما يلبث أن يغوينى شيطانى او لربما تكون نفسى الامارة بالسوء آآه كم اخشى أن تكون نفسى اسوأ من شيطانى.. فأعود ثانية و اذنب و أندم و أدعوك و أرجوك أن تفتح لى باب توبتك أناجيك: يا رب يا من هو أعلم منى بنفسى يا من تعلم خائنة الأعين و ما تخفى الصدور يا من تعلم السر و اخفى يا من تمد يدك بالنهار ليتوب مسيى الليل و تبسط يدك بالليل ليتوب مسيى النهار , يا حليم يا كريم يا من بيده ملك السماوات و الأرض يا من أمره اذا أراد شيئا ان يقول له كن فيكون, ارحم عبدك الضعيف يا رب لوثتنا الدنيا بمظاهرها الباطلة و بريقهاالخداع و اختبرتنا فلم نصمد كثيرا و تهاوى تحملنا ما بين عمق الاحساس بالالم و الظلم و بين الغواية, يا رب يا من تعلم جرحى ...لا يعلمه سواك يا من أناجيه بما لا أقدر أن أبوح به لاقرب الناس.. فيسمعنى ليس بينك و بين عبادك حجاب يا رب أعنى على نفسى, أرحمنى بقدرتك عليى باعد بينى و بين الذنوب و الخطايا كما باعدت بين المشرق و المغرب نقنى و اأغسلنى بالماء و الثلج و البرد فأنت يا الله ارحم بنا من انفسنا ,أرحم بنا من آبائنا و أمهاتنا يا سامع الشكوى يا عالم النجوى يا كريم يا كريم يا كريم.. اغفر و ارحم يا الله اغفر ما تعلم و ما لا نعلم..يا رب تجاوز عن سيئاتى

دائما لا وقت

2008-03-03T12:06:00.010+02:00

لاأعلم لماذا استيقظت على غلالة رقيقة من الحزن تغلفنى هذا الصباح , لماذا يعترينى هذا اللون الرمادى الكئيب..

,أسوأ أيامى على الاطلاق تلك الايام التى استيقظ فيها على هذا الشعور, تظل تطن فى اذنى اغنية ماجدة الرومى ( ساعات اقوم الصبح قلبى حزين).... آآآآه وجع فى القلب لا اعلم مصدره, لكن لاوقت عندى لأطل من الشباك و ان ياخذنى الحنين فدائما تقف عقارب الساعة لى بالمرصاد,تخبرنى أنى تأخرت و ان على ان اقوم بما اقوم به كل يوم بنفس الآلية.. اعداد النسكافيه.. ارتداء ثيابى بسرعة لبدء رحلة العذاب اليومية للعمل الذى لا يبعد فعليا عن بيتى اكثر من سبعة دقائق بينما اصل انا فى ساعة الا ربع قد تمتد فى بعض الايام العصيبة و ما اكثرها الى ساعة ..... لا وقت... دائما لا وقت للتوقف, اخيرا و صلت الى مكتبى و فتحت الكمبيوتر ما زال يغمرنى نفس الاحساس الحزين المبهم اخترت الاستماع لأغانى رمادية هى الاخرى تشى بحالتى ليس من بينها اغنية ماجدة الرومى و لكنى مازلت لا استطيع ان امنع نفسى من السؤال عن السبب انا ليه كدا النهارده ؟أتبادل احاديث ودودة برائحة القهوة مع زملاء العمل اتلقى اتصال من صديق قريب الى قلبى افرح لسماع صوته نتبادل الضحكات و الذكريات يخبرنى ان صوتى لا يروق له فبالرغم من سعادتى الا ان هناك شيئ يجرح هذه السعادة لا اعلم... اردت ان اخبره بالحزن الساكن فى نفسى منذ الصباح لكننى تراجعت و قلت له انا بخير انتهى يوم العمل مثله ككل الايام لا فرق بينها وعدت الى بيتى ... امامى اشياء كثيرة على الاهتمام بها اشياء معلقة منذ ايام و اخرى استجدت اليوم ... الساعة بعقاربها مازالت تطاردنى انهمكت فى اعمالى المعلقة و نسيت امر الوقت و الساعة انهيت الاشياء المطلوبة ليست على اكمل وجه بل على قدر استطاعتى الساعة تعلن بعد منتصف الليل بساعتين, اخيرا استطيع ان اختلى بنفسى؟ اخيرا هدأ الصخب و نامت العيون... هدوووء, فجأة سمعت صوتىو انا أخبرصديقى القديم فى مكالمتنا الخاطفة: انا كويسة و الله ما تقلقش عليا انا مش عارفة انت بتقول كدا ليه؟ و انفجرت بالبكاء

وجه مضيى بالعزة و الكرامة

2008-01-23T14:35:00.000+02:00

وجه يذكرك بأنا لم نمت بعد

(هيهات منا الذلة)

الحسين ابن على كرم الله وجهه

صدمة....

2008-01-13T14:41:00.000+02:00

اعترف اننى قد اصبت بصدمة من قرار مكسوفة الامتناع عن التدوين و اختيارها ان تنهي حياتها كمدونة انتحارا..!!! كما ارادت , الصدمة التى شعرت بها ليست فى قرارها باغلاق المدونة, و لكن للحق اننى لم اتوقع ابدا ان يكون خلفيه هذه السيدة القوية الجريئة قى افكارها و كتابتها كل هذا الاسى و الالم.. لم استوعب انها فكرت و اوشكت على الانتحار كما تقول اكثر من مرة و ان ما منعها فقط هو مخافة الله؟!! هذه الروح المرحة القوية تخفى خلفها ضعف شديد وصل بها لحافة الانهيار !!! منذ الطفوله و هى تعانى ,حتى الزواج لم ينصفها بل بدا و كأنه امتداد لما عانته من قبل فى منزل والديها وان اختلفت المسميات, حياه شديدة الجفاف تلك الحياه التى يعانى فيها الانسان بسبب والديه منذ الصغر , تنقش و تحفر ندوب لا سبيل لعلاجها على مر الزمن واقع شديد القسوة و الالم وهو الا نجد المساندة و الحنان من اقرب الناس لقلوبنا الحق اننى عاجزة عن الكلام لثقتى الشديدة بأن كلمات المواساة التقليدية هنا لا تفيد , ما احسبه ان المسكينة لسبب ما تزايدت عليها الضغوط فجأة فكلت بما تتحمله منذ سنوات و بدت على وشك الانفجار لا نملك لها سوى الدعاء بأن يهون الله عليها و يخفف عنها الكرب ادعوا الجميع ان يشاركونى الدعاء لاخت عزيزة علينا جميعا

دايما فى قلبى

2007-12-18T10:06:00.000+02:00

بره الشبابيك غيوم... بره الشبابيك مطر

مالى خايف كدا خايف ..و حاسس بالخطر

آخر مره اما سيبتك كتمت الشكوى ليه؟ مش كان احسن حاسبتك و عرفت القصة ايه

لكن ما سألتكيش و قلت لك مافيش...كأنك يا حبيبتى امرك ما يهمنيش

انا خايف من دا فيا

من الشكوى المداريه

بالذات فى الليله ديا ... وسط الغيم و المطر

مالى خايف كدا و حاسس بالخطر

محمد منير

امبارح كان عمرى عشرين

2007-11-26T09:22:00.000+02:00

حالة غريبة قوى بمر بيها من فترة, من حوالى سنتين انتابتنى فجاة حالة فزع شديدة تجاه عمرى و اصبحت اكره الاحتفال بعيد ميلادى بعد ما كنت بستناه مش بس عشان الهدايا و الذى منه لكن علشان اتواصل مع الاصدقاء و احس بحبهم و دفا العلاقات بينا..دلوقتى مش عاوزة حد يفكرنى بيه , زمان( مش زمان قوى يعنى) كنت بقول انى كبرت و ان ماحدش عاقل يحتفل بمرور سنة و زيادة عمرة سنة كاملة و اضحك مع اصحابى لما يكلمونى علشان يقولولى كل سنة و انتى طيبة و يسالونى جبتى التورتة ؟ فارد عليهم بهزار قصد كو القرص بتاعت طلعة كل سنة؟ اه جبتهاوهولع فيها ,بس و الله كله كان هزار و عمر الكلام ما كان ليه اى صدى جوا نفسى , لكن دلوقتى بجد بقيت بتضايق و بجد بستنى ان الاصحاب ينسوه و يروح من بالهم مش عايزة اسمع عنه اى حاجة ,و انا بسال هل اصدقائى اللى فوق الثلاثين زى كدا دا شعورهم هما كمان؟ انا حاسة انى قديييمة قوى و عندى مية سنة , مع انى و الله عندى اصحاب كتير فى العشرينات فرضهم عليه العمل بس بالرغم من فرق السن اللى بيوصل ساعات لفوق العشر سنين بس احنا فعلا اصحاب و مش بلاقى اى صعوبة فى الاندماج معاهم , ما انكرش انى صحيح ساعات بحس ان لهم مواضيع و دنيا مختلفة شويتين عنى!!!,و صحيح انهم ساعات كتيير بيكونوا طالبين نصيحة او بيفضفضوا معايا عن همومهم بس برضه اصحاب و بنخرج و نتفسح سوا و انا بسعد بالوقت معاهم , بس غير كدا دايما حاسة ان العمر ولى ومعدش فيه قد اللى راح و مهما اقول لنفسى انى ما كبرتش قوى كدا و ان دا تفكيرمش مظبوط ..الاقى برضه ان هى دى الفكرة المسيطرة يا ترى انتو كمان كدا و لا انا بس اللى حاسة بكدا؟ !!!

و مش عاوزة حد يقولى علشان الستات بيخافوا من السن و الكلام دا انا بتكلم من منظور انسانى , يعنى مشاعر يستوى فيها الرجل و المراة ,هل سن فوق الثلاثين مفزع للدرجة دى

اخطاؤنا القديمة

2007-11-18T12:16:00.000+02:00

طالما سألت نفسها و احتارت كثيرا لماذا لاينطبق عليها قوانين البشر؟ لماذا لا تتعلم من اخطاؤها القديمة؟ الم يكفيها ما عانت من عذاب فاق الاحتمال ام ان روحها الفت هذا النوع من الالم و استعذبته فلم تعد تطيق ان تفارقه؟ انها ترى النهايه منذ بداية الطريق.. لا.لا بل قبل ان تخطو فيه الخطوة الاولى .. تعلمها يقيناو تعرف مدى الالم و الجرح الذى سيعتصرها عصرا, لقد مرت بالتجربة مرة من قبل و انتهت نهاية حزينة تبدلت معها لأنسان آخرلا تعرفه فكانت اذا طالعت صفحة و جهها فى المرآة لا تكاد تلمح الا بقايا منها ماتزال هناك و على الرغم من مرور السنين الا ان طعم الالم مازال عالقا فى حلقها تستطيع بسهوله ان تتذوقه كلما عبرت الذكرى فى خاطرها و كأن الجرح كان بالامس فقط لتندهش و تسأل نفسها كيف لم تنسى بعد؟يقولون الزمن يداوى الجراح و كلما ابتعدت الذكرى قل وقعها على النفوس و لكن هل لها ان تنسى كيف جرحت مشاعرها و ظلت تنزف بلا توقف وان الغدرجاء من حبيبها الذى مدت له يدها بالحب و مد هو يده فاغتالها!..فأصبحت بعدها جسدا بلا روح واستوى عندها كل شيئ فى الحياه,و بعد مرورسنين خالت معها ان القلب احترق و تحول الى رماد اكتشفت انه ما زال ينبض بالحياةو انها مازالت تبحث عمن يحبها و يحتويها و لكن ... ان القصة من بدايتها مستحيلة ترى النهايه رأى العين و لكنها لاتستطيع ان تتوقف ..هناك خيوط حرير شفافه تدفعها لأن تكمل الطريق و رمال ناعمة تسحبها بحنان الى هناك و هنا يطوف بذهنها السؤال الذى لم تجد له ابدا اجابة هل اقدارنا الحزينة المكتوبه علينا لا تتغيرابدا حتى لو تغيرت الظروف و مرت السنين؟ هل هى ارادة الله ان يكون قلبها نقطة الضعف دائما فى حياتها و ان من مقتضى الايمان ان تسلم بأنه ليس لها نصيب من الحب وان عليها ان تغلق باب القلب الى الابد و لا تتطلع لما هو ليس مقدرا لها ؟ام ان هذا من قبيل الصدف السيئة فقط ..

البيت مش بيتك

2007-11-13T10:33:00.000+02:00

بالامس و لانى كنت فريسة للمل امسكت بريموت التليفزيون و اخذت اتجول بين المحطات المختلفة فاوقعنى حظى العاثر فى برنامج البيت بيتك و كانت الحلقة من تقديم الاستاذ تامربيه امين ولانى من الاصل مش شخصية تليفزيونية و لما ربنا بيكرمنى و اتفرج باتجنب قنوات الريادة المصرية منعا لحرقة الدم و ارتفاع الضغط و الواحد مش نااقص و الاخ تامر كان بيناقش مواضيع مختلفة لكن انا ركزت معاه قوى لما كان بيتكلم عن نصاب المنيب اللى نصب على الناس الغلابة و اخد الفلوس و هرب, و قد هالنى ما رايت من طريقة استفزازية يوجه بها الاخ تامر الكلام للمشاهدين فيقول : كام مرة قلنالكم ان مافيش حاجة اسمها توظيف اموال ؟ امتى هتفهموا ان الموضوع دا نصب و بعدين ترجعوا تشتكوا و تقولوا اتنصب علينا,ويساله الضيف تفتكر بعد التنويه دا الناس هتبطل ؟ فيرد بكل عجرفة ... طبعا لا مافيش فايده مش عارف نعمل معاهم ايه بس؟!! الاخ تامر كان ناقص يمسك عصايه و يخرج يمد بيها المتفرجين و بالذات ضحايا النصاب على رجليهم

لا اعلم ما كل هذا الكم من الصلف و الغرور اذى يتحدث به السيد تامر و يا ترى ايه سببه ؟ ليه شايف نفسه فوق الناس بيوجه الكلام من طبقة فووق مين اللى اداه الحق ده كلمة عايزه اقولهالك يا تامر بيه يا امين هناك شعره صغيرة بين الثقة بالنفس و الغرور و اعتقد ان هذه الشعرة قد قطعت حنانيك يا سيدى على اهل بلدك الغلابه الذين حرموا من ابسط حقوقهم فى معيشه ادمية و كان الاولى بك يا مثقف و متعلم اوى ان تساعد و تتفهم لا ان تهاجم و تعتلى منبر الخطابه و التانيب و اقترح عليك تغير اسم الحلقات التى تقدمها الى البيت بيت تامر امين علشان ما حدش فينا يعتبه و شكرا

القاهرة 2007

2007-11-12T11:12:00.000+02:00

هل تذكرون رائعة نجيب محفوظ القاهرة30 بالتحديد هل تذكرون محفوظ عبد الدايم الغاية تبرر الوسيلة لا ادرى لماذا تقفز صورة محفوظ
عبد الدايم الى ذهنى بقوة هذةالايام كلما تصفحت الجرائد او شاهدت اخبار بلدى الحبيب ... اقول ذلك عندما اشاهد شبابنا ينتحر غرقا امام السواحل الاوروبية مفضلا الموت عن البطالة و العجز و الفقر و عندما نختنق جميعا بسحابة الدخان التى عجز المسوؤلون ان يجدوا لها حلا اوعندما اتابع زخم الفتاوى من علماء دين كنا جميعا نجلهم و نحترمهم عندما و عندما يا ترى كام محفوظ عبد الدايم فى البلد دى

براءة

2007-11-12T10:10:00.000+02:00

البنت هاى نفسها خضرا ... سمعتها من صديق لبنانى اخبرنى انهم يعنون بها الروح الصافية و بياض القلب و براءة فى المشاعر لا ادرى .... اعجبنى التشبيه

اعذار

2007-11-11T12:48:00.000+02:00

عندما نبدا بتقديم الاعذار لمن نحب لتقصيرهم فى حقنا و ضنهم علينا بمشاعرهم عندما نشعر بالبرد و الوحدة بالرغم من وجود كل الناس الا من احببنا لانهم لم يكونوا هناك عندما احتاجنا روحهم لتضمنا و تطمئننا عندما نذهب بخطى غير واثقة نتفقدهم و نتلمس وجودهم و قلوبنا تخفق مبتهلة بان يكونوا هناك فنعود فى كل مرة بنفس الجرح و الاحساس بالخذلان عندما نشفق على انفسنا من ان نجرح بايد من نحب فنوهمها بان اللقاء كان مستحيلا و نحن نعلم يقينا و قلبنا يقطر الما انه ليس كذلك و اننا لو تبادلنا الادوارلكنا هناك لنعطى كل الحب و الامان بلا مقابل عندما يعتصر الالم قلوبنا و تتحجر الدموع فى العيون رافضة ان تنحدر حتى لا نحترق بنيران من نحب عندها فقط ندرك.... ان كل ما بيننا بدا يتوارى خلف سحب الفراق

شتا

2007-11-08T09:47:00.000+02:00

نسائم الشتاء على الابواب,اعشق فصل الشتاء و انتظره احب نسماته الباردة فى الصباح , احتساء النسكافيه صباحا و انا اطل من نافذتى فارى الشوارع المغسولة بماء المطر احتضن الكوب لاشعر بحرارته تسرى فى يدي, يغمرنى دائما احساس ان جسدى يزهر فى الشتاء, فاحب عينى و اللمعان الذى يضيئهما اعشق شعرى و لونه البنى احب لون بشرتى التى تحولت الى اللون الوردى من شدة من البرد اعشق حتى ملابسى الشتويه, احس بانى جميلة... او هكذا يشعرنى الشتاء, اؤمن ان لياليه هى ليالى للمحبين, الشتاء حب دفء و حنان التقى من احب فيحتوينى بحنانه نمشى فى الشوارع ليلاو يطوقنى بدفء عينيه تلفح وجهى النسمات البارده و يسال ان كنت اشعر بالبرد لنعود, فاخبره بان البرد يغمر كل الاماكن..كل الاشياء.. الا قلوبنا و دفء عينيه

2007-11-01T10:51:00.000+02:00

دائما لا احد هناك

اول يوم تدوين

2007-10-31T10:08:00.000+02:00

من فترة طويلة و انا زائرة يومية لاغلب المدونات المصرية و احيانا العربية و ذلك لحبى الشديد للقراءة و الاطلاع, و اصبح بينى و بين المدونين علاقة صداقة من طرف واحد فقط اللى هوا انا طبعاو لم يخطر لى على بال ان اشارك فى عالم المدونات ولو حتى بالتعليق على اى بوست فى اى مدونة الى ان تصادف ان كنت فى زيارة لمدونة العزيزة روزا و تاثرت بالبوست بشدة لانة لمس فى مشاعر كنت اظنها ماتت من زمن وجدتنى لاول مرة اشارك بالتعليق و حدث تواصل بينى و بين روزا الجميلة, ومنذ ذلك اليوم بدات فكرة انشاء مدونة تراودنى من فترة الى اخرى الى ان فوجئت بنفسى من يومين فقط و بدون سابق اعداد اقوم بعمل مدونة خاصة بى, الهدف الوحيد منها التعبير عن مشاعرى الخاصة و افكارى والتى ربما لااستطيع البوح بها ووجدتنى اختار لها اسم نصف اخضر و نصف يابس لا ادرى لماذا لكنى اكتشفت فجاة ان هذا الاسم يعبر عن روحى حقا فانا احيانا انسانة مليئة بالحياة و الامل و الحب و احيانا اخرى اقرب الى الموت منى الى الحياة